Туриннинг «Ювентус» клуби марказий яримҳимоячи Артюр Аттани ўз сафида кўришни хоҳламоқда. Бу ҳақда машҳур инсайдер Николо Скира ўз ижтимоий тармоқларида хабар берди.

Манбага кўра, «Юве» раҳбарияти 22 ёшли француз футболчисини жиддий равишда кузатмоқда ва уни қишки трансфер ойнасида сотиб олиш бўйича расмий таклиф тақдим этиши мумкин.

Атта жорий ёзда Франциянинг «Мец» клубидан «Удинезе» сафига қўшилган. У шу пайтгача 9 та учрашувда майдонга тушиб, 2 та гол ва 2 та голли узатма билан жамоасига ёрдам берди.

Transfermarkt портали футболчининг бозор қийматини 12 миллион евро деб баҳоламоқда.