"Yuventus" rahbariyati Italiya terma jamoasining sobiq ustozi Luchano Spalletti bilan yangi muzokaralar o‘tkazishni rejalashtirmoqda. Bu haqda jurnalist Mirko di Natale xabar bermoqda.
Manbaga ko‘ra, tomonlar o‘rtasidagi aloqalar bugun bo‘lib o‘tishi rejalashtirilgan. "Yuventus" 66 yoshli Spallettiga mavsum oxirigacha uzaytirish sharti bilan shartnoma taklif qilishni rejalashtirmoqda.
Avvalroq "Yuventus" safarda "Lasio"ga 0:1 hisobida yutqazib, barcha turnirlardagi g‘alabasiz seriyasini 8 o‘yinga yetkazgandi.
Turin grandi 8 turdan so‘ng Italiya chempionati turnir jadvalida 12 ochko bilan sakkizinchi o‘rinda bormoqda.
