"Ювентус" раҳбарияти Италия терма жамоасининг собиқ устози Лучано Спаллетти билан янги музокаралар ўтказишни режалаштирмоқда. Бу ҳақда журналист Мирко ди Натале хабар бермоқда.
Манбага кўра, томонлар ўртасидаги алоқалар бугун бўлиб ўтиши режалаштирилган. "Ювентус" 66 ёшли Спаллеттига мавсум охиригача узайтириш шарти билан шартнома таклиф қилишни режалаштирмоқда.
Аввалроқ "Ювентус" сафарда "Лацио"га 0:1 ҳисобида ютқазиб, барча турнирлардаги ғалабасиз сериясини 8 ўйинга етказганди.
Турин гранди 8 турдан сўнг Италия чемпионати турнир жадвалида 12 очко билан саккизинчи ўринда бормоқда.
