Ispaniya chempionati 10-turining markaziy o‘yinida Madridning "Real" klubi o‘z maydonida "Santyago Bernabeu"da Kataloniyaning "Barselona" klubini 2:1 hisobida mag‘lub etdi.

"Qaymoqranglilar" vingeri Vinisius Junior 72-daqiqada zaxiraga olindi. Braziliyalik futbolchi maydonni tark etayotganida g‘azabini yashirmadi. "Real"ning sobiq yarimhimoyachisi Toni Kroos sobiq jamoadoshining munosabatiga izoh berdi.

"Ajoyib o‘yin o‘tkazganingda, har doim almashtirishdan norozi bo‘lasan. Meni ham o‘zgartirishgan paytlar bo‘lgan, bu menga yoqmagan. Lekin men hech qachon yechinish xonasiga kirmaganman. O‘ylaymanki, u sovigandan keyin g‘azabini bosa olganini tushunadi", - deya nemisning so‘zlarini keltiradi Marca gazetasi.

G‘alabadan so‘ng "Real" "ko‘k-anorranglilar"dan 5 ochkoga o‘zib ketdi.