"Aston Villa" yarim himoyachisi Xarvi Elliott jamoadagi o‘rnini yo‘qotdi. 22 yoshli futbolchi "villanlar" safida bor yo‘g‘i ikki marta asosiy tarkibda maydonga tushdi.
Unai Emeri deyarli bir oydan beri inglizni maydonga tushirmadi, "Manchester Siti"ga qarshi so‘nggi bahsda esa xavbek umuman qaydnomaga kiritilmadi. Jurnalist Fabrisio Romanoning yozishicha, Elliot o‘z ahvolidan norozi.
U doimiy o‘yin amaliyotiga ega bo‘lish umidida "Liverpul"ni tark etdi, ammo yangi joyda ham xuddi shu muammoga duch keldi.
Xarvi Elliott "Aston Villa"ning beshta o‘yinida maydonga tushib, bitta gol urdi. Ijara shartnomasida ma’lum shartlar asosida sotib olish majburiyati belgilangan.
