"Астон Вилла" ярим ҳимоячиси Харви Эллиотт жамоадаги ўрнини йўқотди. 22 ёшли футболчи "вилланлар" сафида бор йўғи икки марта асосий таркибда майдонга тушди.
Унаи Эмери деярли бир ойдан бери инглизни майдонга туширмади, "Манчестер Сити"га қарши сўнгги баҳсда эса хавбек умуман қайдномага киритилмади. Журналист Фабрицио Романонинг ёзишича, Эллиот ўз аҳволидан норози.
У доимий ўйин амалиётига эга бўлиш умидида "Ливерпул"ни тарк этди, аммо янги жойда ҳам худди шу муаммога дуч келди.
Харви Эллиотт "Астон Вилла"нинг бешта ўйинида майдонга тушиб, битта гол урди. Ижара шартномасида маълум шартлар асосида сотиб олиш мажбурияти белгиланган.
