Ispaniyada "Barselona" vingeri Lamin Yamalning Madridning "Real" klubi bilan adovati muhokama qilinmoqda.

18 yoshli futbolchi "qaymoqranglilar"ga qarshi o‘yin oldidan keskin so‘zlar aytishga jur’at etdi, o‘yin davomida esa uning so‘zlaridan norozi bo‘lgan madridliklar bilan ziddiyatga bordi. El Nacional nashri xabariga ko‘ra, "Barsa"ning ayrim futbolchilari Yamalning xatti-harakatlari va ishga bo‘lgan munosabatidan xavotirda. Kiyinish xonasida Lamin atrof-muhitdan salbiy ta’sir oladi va "xavfli" yo‘ldan ketishi mumkin, degan fikr keng tarqalgan.

Yakshanba kungi "el klasiko" "Barselona"ning 1:2 hisobidagi mag‘lubiyati bilan yakunlandi.