Испанияда "Барселона" вингери Ламин Ямалнинг Мадриднинг "Реал" клуби билан адовати муҳокама қилинмоқда.
18 ёшли футболчи "қаймоқранглилар"га қарши ўйин олдидан кескин сўзлар айтишга журъат этди, ўйин давомида эса унинг сўзларидан норози бўлган мадридликлар билан зиддиятга борди. El Nacional нашри хабарига кўра, "Барса"нинг айрим футболчилари Ямалнинг хатти-ҳаракатлари ва ишга бўлган муносабатидан хавотирда. Кийиниш хонасида Ламин атроф-муҳитдан салбий таъсир олади ва "хавфли" йўлдан кетиши мумкин, деган фикр кенг тарқалган.
Якшанба кунги "эл класико" "Барселона"нинг 1:2 ҳисобидаги мағлубияти билан якунланди.
