"Inter Mayami" hujumchisi Lionel Messi Serxio Buskets va Jordi Albaning faoliyatini yakunlash qarori haqida gapirdi.
Ikkala ispaniyalik ham joriy yil oxirida butsalarini mixga osib qo‘yishadi, bu haqda kampaniya davomida e’lon qilindi. Ikkalasi ham Messi bilan "Barselona"da birga o‘ynaganidan beri tanish.
"To‘g‘risini aytsam, bu juda og‘ir. Birinchidan, sen bilan uzoq yillar birga o‘ynagan insonlarning futboldan ketayotganini ko‘rib turasan va shu lahzada sening ham ketishing uzoq emasligini tushunib yetasan. Ikkinchidan, Serxio va Jordi bilan maydonda ham, uning tashqarisida ham doim yaxshi munosabatda bo‘lganman. Albatta, ularning o‘zlari uchun ham sevimli ishini tashlab ketish oson emas", - deya Messining so‘zlarini keltiradi jurnalist Fabrisio Romano.
Eslatib o‘tamiz, 38 yoshli argentinalikning o‘zi yaqinda "Inter Mayami" bilan shartnomasini 2028 yil oxirigacha uzaytirgan edi.













