"Интер Майами" ҳужумчиси Лионель Месси Серхио Бускетс ва Жорди Албанинг фаолиятини якунлаш қарори ҳақида гапирди.
Иккала испаниялик ҳам жорий йил охирида бутсаларини михга осиб қўйишади, бу ҳақда кампания давомида эълон қилинди. Иккаласи ҳам Месси билан "Барселона"да бирга ўйнаганидан бери таниш.
"Тўғрисини айтсам, бу жуда оғир. Биринчидан, сен билан узоқ йиллар бирга ўйнаган инсонларнинг футболдан кетаётганини кўриб турасан ва шу лаҳзада сенинг ҳам кетишинг узоқ эмаслигини тушуниб етасан. Иккинчидан, Серхио ва Жорди билан майдонда ҳам, унинг ташқарисида ҳам доим яхши муносабатда бўлганман. Албатта, уларнинг ўзлари учун ҳам севимли ишини ташлаб кетиш осон эмас", - дея Мессининг сўзларини келтиради журналист Фабрицио Романо.
Эслатиб ўтамиз, 38 ёшли аргентиналикнинг ўзи яқинда "Интер Майами" билан шартномасини 2028 йил охиригача узайтирган эди.
