Hozirda Superligada chempionlik uchun kurashayotgan Farg‘onaning "Neftchi" klubi sobiq futbolchilari oldidagi qarzlardan to‘liq qutilganini ma’lum qildi.
«O‘zbekiston futbol assosiasiyasi huzuridagi Futbolchilarning maqomi va o‘tishi bo‘yicha qo‘mita tomonidan qabul qilingan qarorlar ijrosi tahlil qilinib, qo‘mita qarorlariga muvofiq, klublarga mavjud qarzdorliklarni belgilangan muddatda to‘liq bartaraf etish majburiyati yuklatilgan edi.
Hozirgi kunga kelib jamoamiz sobiq futbolchilari — Azizbek Amonov, Manuchehr Safarov va Shohruh G‘adoyev oldidagi barcha moliyaviy majburiyatlar to‘liq bajarildi», - deyiladi «yo‘lbarslar» xabarida.
