Fransiyalik mutaxassis Patrik Viyeyra Genuyaning "Jenoa" klubi murabbiyligidan iste’foga chiqarilishi mumkin. Bu haqda La Gazzetta dello Sport nashri jurnalistlari xabar bermoqda.
Klub rahbariyati jamoaning mavsum startidagi muvaffaqiyatsiz o‘yinidan juda norozi va sport direktori hamda bosh murabbiyni almashtirishga tayyor. Viyeyraning Italiya klubi bilan amaldagi mehnat shartnomasi 2027 yilning iyun oyi oxirida yakuniga yetadi.
Italiya chempionatining 9 turidan so‘ng "Jenoa" atigi 3 ochko to‘pladi. Jamoa A Seriya turnir jadvalida so‘nggi o‘rinda bormoqda. Keyingi o‘yinni Viyeyra shogirdlari 3 noyabr kuni "Sassuolo"ga qarshi o‘tkazadi.
