Франциялик мутахассис Патрик Виейра Генуянинг "Женоа" клуби мураббийлигидан истеъфога чиқарилиши мумкин. Бу ҳақда La Gazzetta dello Sport нашри журналистлари хабар бермоқда.
Клуб раҳбарияти жамоанинг мавсум стартидаги муваффақиятсиз ўйинидан жуда норози ва спорт директори ҳамда бош мураббийни алмаштиришга тайёр. Виейранинг Италия клуби билан амалдаги меҳнат шартномаси 2027 йилнинг июнь ойи охирида якунига етади.
Италия чемпионатининг 9 туридан сўнг "Женоа" атиги 3 очко тўплади. Жамоа А Серия турнир жадвалида сўнгги ўринда бормоқда. Кейинги ўйинни Виейра шогирдлари 3 ноябрь куни "Сассуоло"га қарши ўтказади.
