Turkiyada futbolga pul tikish bilan bog‘liq janjal davom etmoqda.

Turkiya futbol federasiyasi prezidenti Ibrohim Hojiosmono‘g‘lu tergovda nafaqat hakamlarga, balki futbolchilarga ham e’tibor qaratilganini aytdi.

Hojiosmono‘g‘luning so‘zlariga ko‘ra, o‘yinga pul tikishga aloqadorlikda gumon qilingan 3700 nafar futbolchiga nisbatan tergov boshlangan. Professional ligalarda ishlayotgan 571 nafar hakamning 371 nafari bukmekerlik platformalarida ro‘yxatdan o‘tgani avvalroq xabar qilingandi.

Hojiosmono‘g‘lu, federasiya tekshiruvdan so‘ng barcha zarur choralarni ko‘rish va ko‘rish niyatida ekanini ta’kidladi.