Noyabr oyi kirib kelmoqda, hujumchi Endrik esa haligacha "Real"ning 2025/2026 yilgi mavsumdagi o‘yinlarida maydonga tushmagan. Bu borada Madrid jamoasi bosh murabbiyi Xabi Alonso izoh berdi.

"Men Endrik o‘yin daqiqalarini qo‘lga kiritishini istardim, ammo nozik o‘yinlar konteksti bunga yordam bermaydi. Umid qilamanki, u o‘z vaqtini oladi, chunki u mashq qilmoqda. Shunchaki qulay fursatni kutish kerak," - dedi Alonso matbuot anjumanida.

Avvalroq, Endrik qishki transferlar oynasida boshqa jamoaga ijaraga ketishi mumkinligi haqida xabarlar tarqalgan edi.