Myunxenning "Bavariya" klubi bosh murabbiyi Vensan Kompani Leverkuzenning "Bayer" klubiga qarshi o‘yinga bag‘ishlangan matbuot anjumanida OAV vakillari oldida chiqish qildi. Bundesliga 9-turidan o‘rin olgan o‘yin 1 noyabr kuni Toshkent vaqti bilan soat 22:30da boshlanadi.
"Raqobatchilarimizdan eng yaxshisi kimligini hal qilish mening ishim emas. Meni faqat g‘alabalarimiz qiziqtiradi. Fakt shuki, o‘tgan mavsumdagi raqobat hali ham mavjud. Bunday raqibga duch kelganimizda, unga yetarlicha baho bermaslik kerak emas - biz ham bunday qilmaymiz. Ammo biz uyda o‘ynaymiz va futbolchilarimizga to‘liq ishonamiz. Bu hali ham futbol, unda hech qanday kafolat yo‘q, ammo biz yaxshi o‘yin ko‘rsata olishimizni his qilyapmiz," - deya murabbiyning so‘zlarini keltiradi "Bavariya" rasmiy sayti.
"Bavariya" 24 ochko bilan 1-o‘rinda, "Bayer" 17 ochko bilan 5-o‘rinda bormoqda.
