"Vest Xem" bosh murabbiyi Nunu Eshpiritu Santu Angliya Premyer-ligasining 10-turida "Nyukasl" ustidan qozonilgan g‘alabadan so‘ng (3:1) o‘z fikrlarini bildirdi.
"Futbolchilar Premyer-ligadagi o‘yinda g‘alaba qozonish juda ko‘p mehnat talab qilishini tushunishadi. Bu ishni davom ettiramiz. G‘alaba vazifani osonlashtiradi, yuzimizga tabassum yuguradi, oyog‘imiz yengilroq bo‘ladi. Bugungi g‘alaba klub sifatida biz uchun ham, muxlislarimiz uchun ham katta ahamiyatga ega. Umid qilamizki, keyingi haftada ham shunday natijaga erishamiz va bu muhitni saqlab qolamiz", - dedi murabbiy o‘yindan so‘ng.
Uchrashuv 2 noyabr kuni bo‘lib o‘tdi va "Vest Xem"ning g‘alabasi bilan yakunlandi. "Nyukasl" o‘yin boshida gol urdi, ammo keyin mezbonlar "qarg‘alar" darvozasini uch marta ishg‘ol qilishdi.
