«Manchester Siti» bosh murabbiyi Xosep Gvardiola Angliya chempionatining 10-turida «Bornmut» ustidan qozonilgan 3:1 hisobidagi g‘alabadan so‘ng o‘z fikrlarini bildirdi.
Uchrashuv 2 noyabr kuni bo‘lib o‘tdi va «shaharliklar»ning ishonchli g‘alabasi bilan yakunlandi.
«Bornmut» — biz uchun eng noqulay raqiblardan biri. Bugun biz o‘z ritmimizni topdik va ko‘p jihatdan yaxshi o‘ynadik. Raqib ham ajoyib o‘yin namoyish etdi. O‘tgan mavsumda ular bizga katta muammolar keltirishgan edi. Ular haqiqatan ham kuchli jamoa», — dedi ispaniyalik mutaxassis o‘yindan so‘ng.
Bu g‘alabadan so‘ng «Manchester Siti»ning ochkolari soni 19 taga yetdi va jamoa APL jadvalida ikkinchi o‘ringa ko‘tarildi.
