«Манчестер Сити» бош мураббийи Хосеп Гвардиола Англия чемпионатининг 10-турида «Борнмут» устидан қозонилган 3:1 ҳисобидаги ғалабадан сўнг ўз фикрларини билдирди.
Учрашув 2 ноябр куни бўлиб ўтди ва «шаҳарликлар»нинг ишончли ғалабаси билан якунланди.
«Борнмут» — биз учун энг ноқулай рақиблардан бири. Бугун биз ўз ритмимизни топдик ва кўп жиҳатдан яхши ўйнадик. Рақиб ҳам ажойиб ўйин намойиш этди. Ўтган мавсумда улар бизга катта муаммолар келтиришган эди. Улар ҳақиқатан ҳам кучли жамоа», — деди испаниялик мутахассис ўйиндан сўнг.
Бу ғалабадан сўнг «Манчестер Сити»нинг очколари сони 19 тага етди ва жамоа АПЛ жадвалида иккинчи ўринга кўтарилди.
