«Elche» safarda «Barselona»ga qarshi o‘yinda ochko olishga erisha olmadi, ammo juda kam jamoalarga nasib etadigan ishni amalga oshirdi. Uchrashuv «ko‘k-anorranglilar» foydasiga 3:1 hisobida yakunlandi. Gollar Lamin Yamal, Ferran Torres va Markus Reshford tomonidan urildi, mehmonlar esa Rafa Mirning aniq zarbasi bilan javob qaytardi.
Qizig‘i shundaki, Xans-Diter Flik jamoasi to‘pni nazorat qilish bo‘yicha raqibdan ortda qoldi — 49% ga qarshi 51%. The Touchline ma’lumotiga ko‘ra, bu La Liganing oxirgi ikki yilida «Barselona» bilan ilk marta sodir bo‘ldi — oxirgi bunday holat 2023 yil noyabrida qayd etilgan.
Bundan tashqari, Opta statistikasiga ko‘ra, «Elche» tarixda ilk bor «Barselona»ni to‘pni nazorat qilish ko‘rsatkichi bo‘yicha ortda qoldirgan La Liga debyutantiga aylandi.
