Bilbaoning "Atletik" klubi yulduzi Niko Uilyams yozda "Barselona" taklifini rad etib, jamoasi bilan 2035 yilgacha mo‘ljallangan shartnoma imzolagan edi.
23 yoshli chap qanot vingeri uchun yangi mavsum yaxshi o‘tmayapti. U mavsum boshidan buyon noqulayliklar bilan o‘ynamoqda. Unda ham xuddi Lamin Yamal bilan bo‘lganidek son suyagida (chov sohasida) muammolar bor.
Agar Niko jarrohlik stoliga yotadigan bo‘lsa, 2-3 oyni o‘tkazib yuboradi.
Uilyams bu mavsumda umumiy 8 ta o‘yinda 530 daqiqa harakat qildi. U 1 ta gol urib, 2 ta assist amalga oshirdi.
