Mavsumni juda omadsiz boshlagan «Fiorentina»da rahbariyat tarkibidagi o‘zgarishlar boshlandi. Bosh murabbiy Stefano Pioli iste’fosi yaqinlashib kelayotgan bir paytda, klub avval sport direktori bilan xayrlashdi. Birinchilardan bo‘lib javobgarlikni Daniele Prade zimmasiga oldi.
Klub rasmiy bayonotida shunday deyilgan:
«Qo‘shma kelishuv natijasida “Fiorentina” sport direktori Daniele Prade bilan hamkorlikni to‘xtatdi. Klub prezidenti va uning turmush o‘rtog‘i Katerina nomidan unga eng ezgu tilaklar bildiriladi. Biz unga katta hurmat bildiramiz», — deyiladi press-relizda.
Eslatib o‘tamiz, ayni paytda «Fiorentina» Italiya chempionati jadvalida 19-o‘rinni, ya’ni oxiridan ikkinchi pog‘onani egallab turibdi.
