Мавсумни жуда омадсиз бошлаган «Фиорентина»да раҳбарият таркибидаги ўзгаришлар бошланди. Бош мураббий Стефано Пиоли истеъфоси яқинлашиб келаётган бир пайтда, клуб аввал спорт директори билан хайрлашди. Биринчилардан бўлиб жавобгарликни Даниэле Праде зиммасига олди.
Клуб расмий баёнотида шундай дейилган:
«Қўшма келишув натижасида “Фиорентина” спорт директори Даниэле Праде билан ҳамкорликни тўхтатди. Клуб президенти ва унинг турмуш ўртоғи Катерина номидан унга энг эзгу тилаклар билдирилади. Биз унга катта ҳурмат билдирамиз», — дейилади пресс-релизда.
Эслатиб ўтамиз, айни пайтда «Фиорентина» Италия чемпионати жадвалида 19-ўринни, яъни охиридан иккинчи поғонани эгаллаб турибди.
