Londonning «Tottenxem» klubida bosh murabbiy Tomas Frankning kelajagiga oid ma’lumotlar paydo bo‘ldi.
Jurnalist Jeyms Devisning xabar berishicha, murabbiyning holati hozircha xavf ostida emas. Klub rahbariyati so‘nggi natijalarga qaramasdan unga to‘liq ishonch bildirmoqda.
Ma’muriyat Frank boshchiligidagi loyihaga uzoq muddatli ishonch bilan qaraydi va vaqtinchalik so‘nggi omadsiz o‘yinlar tufayli hech qanday shoshilinch qaror qabul qilmoqchi emas. Shuningdek, futbolchilar ham o‘z murabbiylariga ishonchini yo‘qotmagani ta’kidlangan.
Eslatib o‘tamiz, Tomas Frank “Tottenxem”ni yangi mavsum boshlanishidan avval Ange Postekoglu o‘rniga qabul qilib olgan. Hozirda jamoa Premyer-ligada 10 turdan so‘ng 17 ochko to‘plab, beshinchi o‘rinni egallab turibdi.
