Лондоннинг «Тоттенхэм» клубида бош мураббий Томас Франкнинг келажагига оид маълумотлар пайдо бўлди.
Журналист Жеймс Дэвиснинг хабар беришича, мураббийнинг ҳолати ҳозирча хавф остида эмас. Клуб раҳбарияти сўнгги натижаларга қарамасдан унга тўлиқ ишонч билдирмоқда.
Маъмурият Франк бошчилигидаги лойиҳага узоқ муддатли ишонч билан қарайди ва вақтинчалик сўнгги омадсиз ўйинлар туфайли ҳеч қандай шошилинч қарор қабул қилмоқчи эмас. Шунингдек, футболчилар ҳам ўз мураббийларига ишончини йўқотмагани таъкидланган.
Эслатиб ўтамиз, Томас Франк “Тоттенхэм”ни янги мавсум бошланишидан аввал Анге Постекоглу ўрнига қабул қилиб олган. Ҳозирда жамоа Премьер-лигада 10 турдан сўнг 17 очко тўплаб, бешинчи ўринни эгаллаб турибди.
