Yevropa Chempionlari Ligasi guruh bosqichining 4-tur doirasida bo‘lib o‘tadigan "Nyukasl" - "Atletik" (Bilbao) jamoalari o‘rtasidagi uchrashuvdan oldin mehmonlar bosh murabbiyi Ernesto Valverde o‘z fikrlari bilan o‘rtoqlashdi.

"Biz maydonga chiqib, g‘alaba qozonishga harakat qilishimiz kerak. Bu o‘yin ko‘p yillar oldin UYEFA kubogida o‘ynagan boshqa o‘yinlarimizni eslatadi. Biz klubimizning sharafini himoya qilamiz. "Nyukasl" ajoyib jamoa, ular bizdan uch ochko oldinda. Ular o‘z uylarida tashabbusni qo‘lga olishga harakat qilishadi, ammo biz uchun bu ochko to‘plash uchun yana bir imkoniyat" - dedi Valverde.

Eslatib o‘tamiz, "Nyukasl" - "Atletik" uchrashuvi bugun tunda, 01:00da boshlanadi.