Angliya terma jamoasining jahon chempionati yo‘llanmasini qo‘lga kiritgan oktyabr oyidagi o‘yinlari "Real" yetakchisi Jud Bellingemsiz o‘tdi. O‘shanda ingliz yelkasidagi jarrohlik amaliyotidan so‘ng o‘ziga kelayotgandi, hozir esa u yana eng yaxshi holatiga qaytib oldi.
The Athletic xabariga ko‘ra, 22 yoshli futbolchi terma jamoaga chaqiruv oladi. Bu haqda 7 noyabr kuni Angliya terma jamoasining Serbiya va Albaniyaga qarshi o‘yinlar uchun qaydnomasi e’lon qilinadi.
Bellingemning oktyabr oyidagi o‘yinlar uchun tarkibda yo‘qligini Tuxel Bellingem o‘yin ritmini tiklab olishi kerakligi bilan izohladi, chunki operasiya tufayli u ko‘p vaqt o‘tkazib yubordi.
