Англия терма жамоасининг жаҳон чемпионати йўлланмасини қўлга киритган октябрь ойидаги ўйинлари "Реал" етакчиси Жуд Беллингемсиз ўтди. Ўшанда инглиз елкасидаги жарроҳлик амалиётидан сўнг ўзига келаётганди, ҳозир эса у яна энг яхши ҳолатига қайтиб олди.
The Athletic хабарига кўра, 22 ёшли футболчи терма жамоага чақирув олади. Бу ҳақда 7 ноябрь куни Англия терма жамоасининг Сербия ва Албанияга қарши ўйинлар учун қайдномаси эълон қилинади.
Беллингемнинг октябрь ойидаги ўйинлар учун таркибда йўқлигини Тухель Беллингем ўйин ритмини тиклаб олиши кераклиги билан изоҳлади, чунки операция туфайли у кўп вақт ўтказиб юборди.
