"Neftchi" Superliganing 28-tur doirasidagi uchrashuvini "Buxoro" futbol klubi bilan safarda o‘tkazadi.
Statistikaga nazar tashlaymiz. Shu kunga qadar "Neftchi" buxoroliklar bilan Superliga, Pro liga va O‘zbekiston kubogi musobaqalarida jami 67 marta o‘zaro to‘qnash kelgan.
Superliga chempionatidagi to‘qnashuvlarini inobatga olsak, bularning 15 tasida "Buxoro" g‘alaba qozongan, 4 ta o‘yinda murosa ko‘chasi tanlangan va 36 ta bahsda "Neftchi"ning qo‘li baland kelgan. Umumiy to‘plar nisbati 49-104 farg‘onaliklar foydasiga.
Jamoalarning o‘zaro uchrashuvlardagi eng yirik g‘alabalar ko‘rsatkichi 1999 yil futbol mavsumida qayd etilgan. O‘shanda "Buxoro" o‘z maydonida 4:1 hisobidagi g‘alabani rasmiylashtirgan. Farg‘onada bo‘lib o‘tgan javob bahsida esa "Neftchi" 5:0 hisobida ustun kelgan.
Buxoroda qayd etilgan oxirgi 5 uchrashuv natijalari quyidagicha
21.04.2023.
"Buxoro"-"Neftchi" 2:2
19.07.2018.
"Buxoro"-"Neftchi" 0:0
07.04.2017.
"Buxoro"-"Neftchi" 3:0
16.06.2016.
"Buxoro"-"Neftchi" 2:0
05.11.2015.
"Buxoro"-"Neftchi" 3:1
Eslatib o‘tamiz, Superliganing 28-tur doirasida o‘tkaziladigan "Buxoro"-"Neftchi" bellashuvini Asker Najafaliyev boshchiligidagi hakamlar guruhi boshqarib boradi.Uchrashuv soat 18:00 da boshlanadi.
