Futbol insayderi Fabrisio Romano "Liverpul"ning niderlandiyalik himoyachisi Virjil van Deyk faoliyatini "Real"da davom ettirmoqchi ekani haqidagi mish-mishlarga izoh berdi.
"Ispaniyada van Deyk o‘tgan yozda "qaymoqranglilar" safiga o‘tishni istagani haqida xabarlar tarqaldi. Ammo uning "Liverpul"dan hech qayerga ketish niyati yo‘qligini bilaman. Virjil o‘zini loyihaning muhim qismi deb biladi. U har doim "qizillar" bilan yangi kelishuvdan manfaatdor bo‘lgan," - deya insayderning so‘zlarini keltiradi Team Talk.
34 yoshli himoyachi mersisaydliklar safida 2018 yilning yanvaridan buyon to‘p tepib kelmoqda. Futbolchi va klub o‘rtasidagi amaldagi mehnat shartnomasi muddati 2026/2027 yilgi mavsum oxirida tugaydi.













