"Nyukasl" yarim himoya chizig‘i yetakchisi Sandro Tonali jamoadagi kelajagi haqida fikr bildirdi.
"Men bu yerda 10 yil qolib, ikki, uch, to‘rt yoki besh yildan keyin ketaman, demoqchi emasman. O‘tgan yozda biz va Aleks (Isak ) uchun hammasi qiyin kechdi, ammo bu futbol.
O‘zing uchun, jamoang uchun imkoniyat bo‘lsa, futbolda hamma narsani o‘ylashing kerak. "Men 10 yilga qolaman" demoqchi emasman, lekin hozir bu yerda baxtliman va boshqa jamoalar haqida o‘ylamayapman," - dedi Tonali.
Tonalining "qarg‘alar" bilan shartnomasi 2028 yil yozigacha mo‘ljallangan. Unga A Seriyaning bir qator grandlari qiziqish bildirmoqda.
