"Ньюкасл" ярим ҳимоя чизиғи етакчиси Сандро Тонали жамоадаги келажаги ҳақида фикр билдирди.
"Мен бу ерда 10 йил қолиб, икки, уч, тўрт ёки беш йилдан кейин кетаман, демоқчи эмасман. Ўтган ёзда биз ва Алекс (Исак ) учун ҳаммаси қийин кечди, аммо бу футбол.
Ўзинг учун, жамоанг учун имконият бўлса, футболда ҳамма нарсани ўйлашинг керак. "Мен 10 йилга қоламан" демоқчи эмасман, лекин ҳозир бу ерда бахтлиман ва бошқа жамоалар ҳақида ўйламаяпман," - деди Тонали.
Тоналининг "қарғалар" билан шартномаси 2028 йил ёзигача мўлжалланган. Унга А Сериянинг бир қатор грандлари қизиқиш билдирмоқда.
