Italiya A Seriyasida oktyabr oyi yakunlariga ko‘ra, eng yaxshi murabbiy aniqlandi. Sovrinni "Roma"ni boshqarayotgan Jan Pyero Gasperini qo‘lga kiritdi.
O‘tgan oyda "Roma" Italiya chempionatida 4ta o‘yin o‘tkazdi. Gasperini jamoasi "Fiorentina" (2:1), "Sassuolo" (1:0) va "Parma"ni (2:1) mag‘lub etgan, ammo "Inter"ga yutqazgan (0:1).
Ayni paytda "Roma" A Seriya turnir jadvalida to‘rtinchi o‘rinda bormoqda. Shu bilan birga, Jan Pyero Gasperini jamoasi peshqadam "Napoli"dan atigi bir ochko ortda qolmoqda.
"Roma" chempionatning navbatdagi o‘yinini 9 noyabr kuni o‘z maydonida "Udineze"ga qarshi o‘tkazadi.
