Италия А Сериясида октябрь ойи якунларига кўра, энг яхши мураббий аниқланди. Совринни "Рома"ни бошқараётган Жан Пьеро Гасперини қўлга киритди.
Ўтган ойда "Рома" Италия чемпионатида 4та ўйин ўтказди. Гасперини жамоаси "Фиорентина" (2:1), "Сассуоло" (1:0) ва "Парма"ни (2:1) мағлуб этган, аммо "Интер"га ютқазган (0:1).
Айни пайтда "Рома" А Серия турнир жадвалида тўртинчи ўринда бормоқда. Шу билан бирга, Жан Пьеро Гасперини жамоаси пешқадам "Наполи"дан атиги бир очко ортда қолмоқда.
"Рома" чемпионатнинг навбатдаги ўйинини 9 ноябрь куни ўз майдонида "Удинезе"га қарши ўтказади.
