Himoyachi David Alaba "Real"ning umumiy guruhida mashg‘ulotlarni davom ettirdi. Avstriyalik futbolchi yakshanba kuni "Rayo Valyekano"ga qarshi bo‘lib o‘tadigan derbida madridliklar qaydnomasidan o‘rin olishi kutilmoqda. Bu haqda AS xabar bermoqda.
Alaba jarohati tufayli "Real"ning so‘nggi to‘rtta o‘yinini o‘tkazib yubordi. Muammo ortda qoldi - juma kuni 33 yoshli futbolchi aksariyat jamoaviy mashg‘ulotlarda ishtirok etdi. O‘yinchining tiklanish jarayoni juda ijobiy deb baholanmoqda.
La Liga 12-turidan o‘rin olgan "Rayo Valekano" - "Real" uchrashuvi 9 noyabr kuni Toshkent vaqti bilan 20:15da boshlanadi.
"Real" La Ligada peshqadamlik qilmoqda va ikkinchi o‘rindagi "Barselona"ni 5 ochkoga ortda qoldirmoqda.
