Myunxenning «Bavariya» jamoasi bu mavsumda ilk bor g‘alaba qozona olmadi. Ular Bundesliganing 10-turida Berlinning «Union» jamoasi bilan 2:2 hisobida durang o‘ynadi. Vensan Kompanining shogirdlari «An der Alten Fyorsteray» stadionidagi o‘yinda Garri Keynning 90+3-daqiqada urgan goli orqali mag‘lubiyatdan qutulib qolishdi.

«Union» bilan uchrashuvgacha «Bavariya» joriy mavsumda barcha musobaqalarda 16 ta o‘yin o‘tkazib, barchasida g‘alaba qozongan edi: ularning 9 tasi — Germaniya chempionati, 4 tasi — UYEFA Chempionlar ligasi, 2 tasi — Germaniya kubogi va yana biri — mamlakat Superkubogi doirasidagi bahs bo‘lgan.

Shu tariqa, «Bavariya» 28 ochko bilan Bundesliga jadvalida peshqadamlikni saqlab qoldi. «Union» esa 12 ochko bilan 10-o‘rinda joylashgan.

Germaniya — Bundesliga. 10-tur
8 noyabr 2025 yil, shanba.
Berlin, «An der Alten Fyorsteray» stadioni
Union — Bavariya 2:2
Gollar: 1:0 — Duki (27'), 1:1 — Dias (38'), 2:1 — Duki (83'), 2:2 — Keyn (90+3')