Мюнхеннинг «Бавария» жамоаси бу мавсумда илк бор ғалаба қозона олмади. Улар Бундеслиганинг 10-турида Берлиннинг «Унион» жамоаси билан 2:2 ҳисобида дуранг ўйнади. Венсан Компанининг шогирдлари «Ан дер Альтен Фёрстерай» стадионидаги ўйинда Гарри Кейннинг 90+3-дақиқада урган голи орқали мағлубиятдан қутулиб қолишди.

«Унион» билан учрашувгача «Бавария» жорий мавсумда барча мусобақаларда 16 та ўйин ўтказиб, барчасида ғалаба қозонган эди: уларнинг 9 таси — Германия чемпионати, 4 таси — УЕФА Чемпионлар лигаси, 2 таси — Германия кубоги ва яна бири — мамлакат Суперкубоги доирасидаги баҳс бўлган.

Шу тариқа, «Бавария» 28 очко билан Бундеслига жадвалида пешқадамликни сақлаб қолди. «Унион» эса 12 очко билан 10-ўринда жойлашган.

Германия — Бундеслига. 10-тур
8 ноябрь 2025 йил, шанба.
Берлин, «Ан дер Альтен Фёрстерай» стадиони
Унион — Бавария 2:2
Голлар: 1:0 — Дуки (27'), 1:1 — Диас (38'), 2:1 — Дуки (83'), 2:2 — Кейн (90+3')