"Paxtakor" bosh murabbiyi Kamoliddin Tojiyev Superliganing 28-turi doirasida bo‘lib o‘tgan "Qo‘qon-1912"ga qarshi o‘yindan so‘ng o‘z fikrlari bilan o‘rtoqlashdi.
"O‘yinda imkon boricha g‘alaba qozonishga urindik, biroq ko‘plab vaziyatlardan foydalana olmadik. Keskin bahs bo‘lishini kutgan edik. Tarkibda ba’zi o‘zgarishlar bo‘ldi. Ko‘p o‘yinlar bo‘lgani tufayli shunday qarorga keldik", — dedi Tojiyev.













