Saudiya Arabistonining "Al-Ahli" klubi forvardi Ayven Toni "Tottenxem"ning yanvar oyidagi transfer maqsadiga aylandi. Bu haqda Football Insider nashri xabar bermoqda.
Biroq, "Tottenxem" Dominik Solanke yoki Risharlisonni sotib yuborgan taqdirdagina kelishuv amalga oshishi mumkinligi aytilmoqda.
Eslatib o‘tamiz, Toni Yaqin Sharqqa ko‘chib o‘tgunga qadar Angliyaning "Brentford", "Nyukasl" va boshqa klublarida to‘p tepgan. U 2024 yilning yozidan buyon "Al-Ahli" sharafini himoya qilmoqda. Ayven jamoa uchun 59 ta o‘yinda maydonga tushdi, 41 ta gol urdi va sakkizta golli uzatmani amalga oshirdi.
Transfermarkt portali ma’lumotlariga ko‘ra, 29 yoshli Tonining narxi 25 million yevroga teng.
