Саудия Арабистонининг "Ал-Аҳли" клуби форварди Айвен Тони "Тоттенхэм"нинг январь ойидаги трансфер мақсадига айланди. Бу ҳақда Football Insider нашри хабар бермоқда.
Бироқ, "Тоттенхэм" Доминик Соланке ёки Ришарлисонни сотиб юборган тақдирдагина келишув амалга ошиши мумкинлиги айтилмоқда.
Эслатиб ўтамиз, Тони Яқин Шарққа кўчиб ўтгунга қадар Англиянинг "Брентфорд", "Ньюкасл" ва бошқа клубларида тўп тепган. У 2024 йилнинг ёзидан буён "Ал-Аҳли" шарафини ҳимоя қилмоқда. Айвен жамоа учун 59 та ўйинда майдонга тушди, 41 та гол урди ва саккизта голли узатмани амалга оширди.
Transfermarkt портали маълумотларига кўра, 29 ёшли Тонининг нархи 25 миллион еврога тенг.
