"Barselona" forvardi Robert Levandovski "Selta"ga qarshi bahsda yorqin o‘yin ko‘rsatib, het-trik qayd etdi.
37 yoshli futbolchining hisobida La Liganing joriy mavsumidagi to‘qqizta o‘yinda yettita gol bor - u o‘rtacha har 64 daqiqada darvozani ishg‘ol etmoqda, deya xabar beradi Barca Universal.
E’tiborlisi, bu ko‘rsatkich bo‘yicha polshalik har 81 daqiqada gol urayotgan chempionat to‘purari Kilian Mbappedan ham o‘zib ketdi. Shu bilan birga, "ko‘k-anorranglilar" faxriysi atigi bir marta, "Real"dan bo‘lgan fransuz esa uch marta penaltidan gol urdi.
Mbappe 13 ta gol bilan La Liga to‘purarlari ro‘yxatida yetakchilik qilmoqda. Levandovski ikkinchi o‘rinni Madridning "Atletiko" klubidan Xulian Alvares bilan bo‘lishib turibdi.
