"Барселона" форварди Роберт Левандовски "Сельта"га қарши баҳсда ёрқин ўйин кўрсатиб, ҳет-трик қайд этди.
37 ёшли футболчининг ҳисобида Ла Лиганинг жорий мавсумидаги тўққизта ўйинда еттита гол бор - у ўртача ҳар 64 дақиқада дарвозани ишғол этмоқда, дея хабар беради Barca Universal.
Эътиборлиси, бу кўрсаткич бўйича польшалик ҳар 81 дақиқада гол ураётган чемпионат тўпурари Килиан Мбаппедан ҳам ўзиб кетди. Шу билан бирга, "кўк-анорранглилар" фахрийси атиги бир марта, "Реал"дан бўлган француз эса уч марта пенальтидан гол урди.
Мбаппе 13 та гол билан Ла Лига тўпурарлари рўйхатида етакчилик қилмоқда. Левандовски иккинчи ўринни Мадриднинг "Атлетико" клубидан Хулиан Альварес билан бўлишиб турибди.
