Neymar Braziliya chempionatida "Santos"ga mag‘lubiyatdan qutulib qolishda yordam bera olmadi. "Oq-qoralar" safarda "Flamengo"ga 2:3 hisobida yutqazdi. Yulduz hujumchi 86-daqiqada zaxiraga olindi. Mezbonlar muxlislari o‘yinchi maydonni tark etayotganda hushtakbozlik qilishdi. Bundan tashqari, The Touchline nashrining ta’kidlashicha, mahalliy muxlislar 33 yoshli futbolchiga nisbatan haqoratli so‘zlar aytishgan.
"Santos" 32 turdan keyin 33 ochko bilan turnir jadvalida 17-o‘rinda bormoqda. Neymar deyarli ikki oy ichida birinchi marta asosiy tarkibda maydonga tushdi - yaqinda u sonidan olgan jarohatidan tuzalgandi.
