Неймар Бразилия чемпионатида "Сантос"га мағлубиятдан қутулиб қолишда ёрдам бера олмади. "Оқ-қоралар" сафарда "Фламенго"га 2:3 ҳисобида ютқазди. Юлдуз ҳужумчи 86-дақиқада захирага олинди. Мезбонлар мухлислари ўйинчи майдонни тарк этаётганда ҳуштакбозлик қилишди. Бундан ташқари, The Touchline нашрининг таъкидлашича, маҳаллий мухлислар 33 ёшли футболчига нисбатан ҳақоратли сўзлар айтишган.
"Сантос" 32 турдан кейин 33 очко билан турнир жадвалида 17-ўринда бормоқда. Неймар деярли икки ой ичида биринчи марта асосий таркибда майдонга тушди - яқинда у сонидан олган жароҳатидан тузалганди.
