"Liverpul" APL 11-turida safarda "Manchester Siti"ga yirik hisobda mag‘lub bo‘ldi - 0:3.
Ushbu o‘yinda "qizillar" darvozaboni Georgiy Mamardashvili Erling Xolandning penaltidan yo‘llagan zarbasini qaytardi.
Statistik ma’lumotlarga ko‘ra, 25 yoshli gruziyalik golkiper 2023/24 yilgi mavsumdan buyon darvozasiga belgilangan 13 ta penaltidan 6 tasini qaytargan. Bu TOP-5 chempionatlardagi eng yuqori ko‘rsatkich.
Mamardashvili "Liverpul" ga o‘tguniga qadar "Valensiya" sharafini himoya qilgan.













