"Barselona" vakillari jamoaning sobiq futbolchisi Lionel Messining kutilmaganda "Kamp Nou"ga tashrif buyurganidan hayron bo‘lishdi. Avvalroq u o‘zining ijtimoiy tarmoqlardagi sahifasida stadiondan olingan suratlar va matnni e’lon qilgandi.
Sport.es portalining "Barselona"dagi manbalari qayd etishicha, Messining stadionga kelishi haqida hech kimga xabar berilmagan. Argentinalik futbolchining posti ijtimoiy tarmoqlar va yangiliklar nashrlarida tezda tarqaldi, klub rahbariyati esa bunga ishona olmadi.
Uning stadionga qanday kirgani noma’lumligicha qolmoqda. Hozir klubda Messiga kim yordam bergan bo‘lishi mumkinligini aniqlashga harakat qilishmoqda. Futbolchiga yaqin manbalarning tasdiqlashicha, argentinalik futbolchi bu tashrifni klubning hech bir a’zosi bilan kelishmagan va buni o‘z tashabbusi bilan amalga oshirgan.
Messi 9 noyabr oqshomida "Kamp Nou"ga tashrif buyurdi. U 14 noyabr kuni Ispaniya hududida bo‘lib o‘tadigan Angolaga qarshi o‘rtoqlik o‘yiniga tayyorgarlik ko‘rish uchun Argentina terma jamoasiga qo‘shiladi.
