"Fenerbaxche" Yevropa ligasining 4-tur uchrashuvida "Viktorii Plzen"ga qarshi o‘yinda (0:0) penalti belgilamagan niderlandiyalik hakam Allard Lindxutning harakatlari yuzasidan UYEFAga rasman shikoyat qildi.

"Klubimiz "Viktoriya Plzen"ga qarshi o‘yindagi hakam Allard Lindxutning qarorlari yuzasidan UYEFAga rasman murojaat qildi. Murojaatimizda UYEFAdan hakamning butun o‘yin davomidagi yetakchilik uslubi va uning noto‘g‘ri qarorlarining bevosita ta’sirini hisobga olgan holda zarur jiddiylik va tezkorlik bilan o‘rganib chiqishni so‘raymiz. O‘yin natijasi bo‘yicha tergov jarayoni UYEFA tomonidan jamoatchilikka rasmiylashtiriladi", - deyiladi klub rasmiy saytida.

Yevropa ligasida to‘rtta o‘yindan so‘ng "Fenerbaxche" 7 ochko bilan turnir jadvalida 15-o‘rinda bormoqda.