"Фенербахче" Европа лигасининг 4-тур учрашувида "Виктории Пльзень"га қарши ўйинда (0:0) пенальти белгиламаган нидерландиялик ҳакам Аллард Линдхутнинг ҳаракатлари юзасидан УЕФАга расман шикоят қилди.
"Клубимиз "Виктория Пльзень"га қарши ўйиндаги ҳакам Аллард Линдхутнинг қарорлари юзасидан УЕФАга расман мурожаат қилди. Мурожаатимизда УЕФАдан ҳакамнинг бутун ўйин давомидаги етакчилик услуби ва унинг нотўғри қарорларининг бевосита таъсирини ҳисобга олган ҳолда зарур жиддийлик ва тезкорлик билан ўрганиб чиқишни сўраймиз. Ўйин натижаси бўйича тергов жараёни УЕФА томонидан жамоатчиликка расмийлаштирилади", - дейилади клуб расмий сайтида.
Европа лигасида тўртта ўйиндан сўнг "Фенербахче" 7 очко билан турнир жадвалида 15-ўринда бормоқда.
