“Barselona”ning yosh yulduzi Lamin Yamal Belgiya shahridagi maxsus shifokor huzurida pubalgiya (son mushaklari yallig‘lanishi) bo‘yicha tekshiruvdan o‘tdi.

Sport nashri xabariga ko‘ra, shifokor xulosasi ijobiy va tinchlantiradigan bo‘lgan: Shifokor jarohat holati juda erta bosqichda ekanini tasdiqlagan. U shuningdek, klub mutaxassislari davolashni o‘z vaqtida boshlaganini, bu esa jarohat rivojlanish xavfini kamaytirganini ta’kidlagan. Bundan tashqari, belgiyalik mutaxassis “Barselona” tibbiy va jismoniy tayyorgarlik shtabi ish uslubini, reabilitasiya hamda fizioterapiya dasturlarini yuqori baholagan.

18 yoshli futbolchi joriy mavsum 11 ta o‘yinda 6 ta gol urib, 6 ta assist bergan.