“Барселона”нинг ёш юлдузи Ламин Ямал Бельгия шаҳридаги махсус шифокор ҳузурида пубалгия (сон мушаклари яллиғланиши) бўйича текширувдан ўтди.

Sport нашри хабарига кўра, шифокор хулосаси ижобий ва тинчлантирадиган бўлган: Шифокор жароҳат ҳолати жуда эрта босқичда эканини тасдиқлаган. У шунингдек, клуб мутахассислари даволашни ўз вақтида бошлаганини, бу эса жароҳат ривожланиш хавфини камайтирганини таъкидлаган. Бундан ташқари, бельгиялик мутахассис “Барселона” тиббий ва жисмоний тайёргарлик штаби иш услубини, реабилитация ҳамда физиотерапия дастурларини юқори баҳолаган.

18 ёшли футболчи жорий мавсум 11 та ўйинда 6 та гол уриб, 6 та ассист берган.